Manchester City vann Brentford í gær þar sem Erling Haaland skoraði tvö mörk.
Liðið lenti hins vegar undir og Pep Guardiola sagði að þeir hefðu hæglega getað verið í verri stöðu.
„Ég man ekki eftir að hafa mætt svona liði í þau 8-9 ár sem ég hef verið hérna sem spilaði eins og þeir fyrstu 23 mínúturnar. Þeir rústuðu okkur og hefðu getað verið 2-0 eða 3-0 yfir. Þetta er óvenjulegt lið. Við höfum þjáðst gegn þeim í hvert skipti sem við höfum mætt þeim," sagði Guardiola.
Man City er nú eina liðið sem er með fullt hús stiga en liðið er með þriggja stiga forystu á Liverpool og Aston Villa en Arsenal og Newcastle geta komist tveimur stigum á eftir City með sigri í dag.
Athugasemdir
