Ingvar Jónsson 6
Maltverjar hittu markið bara einu sinni og því reyndi lítið á Ingvar. Hann var þó heilt yfir öruggur í aðgerðum sínum.

Birkir Már Sævarsson 7
Flottur leikur hjá Birki. Skilaði sínu.

Hólmar Örn Eyjólfsson 8 ('80)
Steig ekki feilspor og var mjög öflugur. Nálægt því að skora í fyrri hálfleiknum.

Sverrir Ingi Ingason 8 - Maður leiksins
Innsiglaði flotttan leik sinn með góðu skallamarki eftir horn.

Ari Freyr Skúlason 6
Byrjaði illa en vann sig síðan inn í leikinn.

Arnór Smárason 5 ('58)
Spilaði sinn fyrsta landsleik í langan tíma. Var að reyna en komst oft lítið áleiðis. Átti góða fyrirgjöf á Elías í fyrri hálfleik.

Rúnar Már Sigurjónsson 6 ('58)
Ágætis leikur hjá Rúnari. Kröftugur þegar hann tók hlaup fram á við.

Ólafur Ingi Skúlason 6 ('80)
Fékk langþráðan séns og bar fyrirliðabandið í dag. Stóð sig með ágætum í hörkunni á miðjunni.

Arnór Ingvi Traustason 7
Skoraði sitt fimma landsliðsmark í tólf leikjum. Komst nokkrum sinnum í álitlega stöðu vinstra megin í teignum en náði ekki að nýta það nægilega vel.

Elías Már Ómarsson 7
Var virkilega sprækur í fyrri hálfleik en sást minna í þeim síðari. Nálægt því að skora með skalla.

Viðar Örn Kjartansson 6 ('70)
Átti tvö skot sem hittu ekki markið. Var að ógna en náði ekki að reka endahnútinn.

Varamenn:

Birkir Bjarnason 6 ('58)
Fínasta innkoma inn á miðjuna.

Jóhann Berg Guðmundsson 7 ('58)
Kom inn af miklum krafti. Átti hornspyrnuna á Sverri í öðru markinu.

Aron Einar Gunnarsson 6 ('70)
Hjálpaði til við að sigla sigrinum í höfn.

Jón Daði Böðvarsson 5 ('70)
Komst ekki í takt við leikinn.

Ragnar Sigurðsson ('80)
Spilaði of stutt til að fá einkunn.

Theódór Elmar Bjarnason ('80)
Spilaði of stutt til að fá einkunn.