Róbert Orri Þorkelsson er í Dr. Football í dag orðaður við endurkomu til Breiðabliks. Þetta kemur í sömu viku og fjallað er um að Breiðablik verði án Damirs Muminovic á næsta tímabili, allavega í byrjun þess.
Róbert Orri er í dag á láni hjá Kongsvinger í norsku B-deildinni, hann er þar á láni frá CF Montreal í MLS-deildinni út árið.
Róbert er 22 ára örvfættur miðvörður sem hefur verið á mála hjá Montreal síðan kanadíska félagið keypti hann frá Breiðabliki sumarið 2021.
Róbert Orri er í dag á láni hjá Kongsvinger í norsku B-deildinni, hann er þar á láni frá CF Montreal í MLS-deildinni út árið.
Róbert er 22 ára örvfættur miðvörður sem hefur verið á mála hjá Montreal síðan kanadíska félagið keypti hann frá Breiðabliki sumarið 2021.
Róbert er uppalinn hjá Aftureldingu en fór til Breiðabliks fyrir tímabilið 2020.
Kongsvinger er í umspili um sæti í efstu deild í Noregi. Liðið á útileik gegn Lyn á sunnudag í 1. umferð umspilsins. Róbert hafði verið í stóru hlutverki á tímabilinu þar til hann tognaði í leik með U21 landsliðinu í september. Hann kom inn á sem varamaður í þarsíðustu umferð og var ónotaður varamaður í síðasta leik.
Hann kom á láni í vor og var upphaflega lánaður út júlí. Sá lánssamningur var framlengdur út tímabilið í Noregi. Í lánssamningum er tekið fram að Kongsvinger sé með kaupmöguleika.
Athugasemdir
