Mohamed Salah hefur verið ólíkur sjálfum sér að undanförnu en hann átti ekki góða leiki gegn PSG og var alveg týndur í úrslitum deildabikarsins gegn Newcastle í kvöld.
Salah hefur raðað inn mörkunum fyrir Liverpool undanfarin ár en hann er í 5. sæti yfir markahæstu leikmenn sögunnar í úrvalsdeildinni.
Hann átti hins vegar mjög erfitt uppdráttar en hann átti ekki skot á markið né bjó til færi fyrir samherja sína.
Það er í fyrsta sinn sem það gerist hjá honum í treyju Liverpool þegar hann spilar 90 mínútur eða meira.
„Ég hef aldrei séð Mo Salah svona rólegan eins og hann hefur verið í þessum leik. Hann hefur snert boltann þrisvar þegar 25 mínútur eru liðnar af seinni hálfleik," sagði Gary Neville í útsendingu Sky Sports.
0 - For the first time in his Liverpool career, Mohamed Salah neither attempted a shot nor created a chance in a match where he played 90+ minutes. Uncharacteristic. pic.twitter.com/YYN9ZyAF7D
— OptaJoe (@OptaJoe) March 16, 2025
Athugasemdir
