Tilkynning dagsins frá Leicester City kemur engum á óvart, en félagið er búið að tryggja sér þjónustu Issahaku Abdul Fatawu næstu árin.
Talið er að Leicester greiði tæplega 20 milljónir evra til að kaupa Fatawu frá Sporting CP, en leikmaðurinn gerði flotta hluti á láni hjá Leicester á síðstu leiktíð.
Fatawu er hægri kantmaður að upplagi sem getur þó einnig spilað sem sóknartengiliður eða vinstri kantur. Hann er 20 ára gamall og kom að 20 mörkum í 43 leikjum með Leicester á síðustu leiktíð.
Enzo Maresca þjálfari er afar hrifinn af kantmanninum knáa, sem á nú þegar 19 landsleiki að baki fyrir Gana þrátt fyrir ungan aldur.
Fatawu er afar spenntur fyrir því að spila í ensku úrvalsdeildinni og líður mjög vel hjá Leicester. „Ég bjóst ekki við því en ég saknaði allra strákanna í sumarfríinu. Það er frábært að vera kominn aftur," sagði Fatawu í dag.
We are thrilled to announce the permanent signing of @AbdulFatawuI10 ????
— Leicester City (@LCFC) July 16, 2024
Athugasemdir
