Jurgen Klopp, stjóri Liverpool, segir að hann muni ekki yfirgefa félagið nema hann sé neyddur til þess.
Liverpool steinlá 3-0 gegn Brighton um helgina en liðið fær ekki mikinn tíma til að sleikja sárin. Það er leikur gegn Úlfunum í FA-bikarnum í kvöld.
Það hefur ekki gengið vel hjá Liverpool á tímabilinu og er liðið í níunda sæti ensku úrvalsdeildarinnar.
Klopp, sem hefur gert frábæra hluti með Liverpool á tíma sínum hjá félaginu, er hins vegar ekki á förum nema hann verði rekinn.
„Ég fer ekki nema einhver segi mér að fara," segir Klopp. „Við verðum að spila betri fótbolta núna."
Leikur Liverpool og Wolves er í kvöld klukkan 19:45.
Sjá einnig:
„Nógu slæmt að tapa, að hitta ykkur gerir lífið ekki betra“
Athugasemdir