Fótbolti.net

Venni: Þurfum að hreiðra um okkur á toppnum

Elfar Árni: Viljum ekki hafa einhvern sem vill ekki vera hérna

Gunnar Heiðar talar um barnaleg mistök - „Verðum að gera betur í meistaraflokki"

Badu fann fyrir létti - „Ég á ekki að bregðast svona við"

Nenad: Er kominn með afsökun til að bekkja allt liðið

Gísli Eyjólfs: Við þurfum að fara vakna

Frábær frammistaða Keflvíkinga - „Hann er gríðarlega mikilvægur fyrir okkur"

Heimir óánægður með viðbrögð síns liðs: Fannst við aldrei reyna

Davíð Smári: Einhver tappi losnaði

Lárus Orri: Ekki eitthvað eitt sem hægt er að horfa í hvað það varðar

Hemmi svekktur: Stóru ákvarðanirnar allar á móti okkur í dag

Jói Kalli: Hörkugæði og hraði í þessum strák

Jakob Byström í viðtali á íslensku: Súper glaður

Brynjar Björn: Við verðum að nýta færin sem við fáum

Óli Skúla hundóánægður: Spiluðum þetta upp í hendurnar á þeim

Rúnar Kristins: Sjaldan fagnað eins mikið og núna

Langbesta frammistaða Mosfellinga - „Ungur og efnilegur leikmaður sem á framtíðina fyrir sér”

Gils Gíslason: Við erum miklu betri en þessi tvö stig

Amin: Hélt að ég yrði alltaf í byrjunarliðinu og þyrfti ekki að verjast

Jökull segist ekki finna fyrir pressu - „Svekktur fyrir hönd liðsins“

sun 17. júlí 2022 18:39

Sæbjörn Þór Þórbergsson Steinke
Rotherham

Harpa Þorsteins: Eitthvað sem ég myndi telja að hann væri að hugsa

Mynd: Fótbolti.net - Jónína Guðjörg Guðbjartsdóttir

Harpa Þorsteinsdóttir, fyrrum landsliðskona og Íslandsmeistari með Stjörnunni á sínum tíma, er mætt til Englands til að fjalla um íslenska landsliðið á RÚV. Íslenska liðið mætir Frakklandi í lokaleik sínum í riðlakeppni Evrópumótsins á morgun og fer sá leikur fram í Rotherham.

Liðið æfði á New York Stadium í Rotherham í dag og fékk Fótbolti.net Hörpu á láni í eitt stykki viðtal um komandi leik.

„Mér líst bara ljómandi vel á þetta, ég held að þetta verði spennandi leikur," sagði Harpa.

Landsliðsþjálfarinn Þorsteinn Halldórsson sagði á fréttamannafundi í dag að hann myndi koma fréttamönnum á óvart á morgun. Harpa var spurð út í þau ummæli Steina.

„Í orðabókinni hans Steina þá gæti það að koma á óvart þýtt að hann geri tvær breytingar," sagði Harpa og brosti.

„Hann gæti hvílt Hallberu, hún er búin að spila tvo leiki. Hann gæti sett Sif aftur inn og gæti reynt að breyta miðjunni eitthvað aðeins. Það er eitthvað sem ég myndi telja að hann væri að hugsa."

Harpa heldur að allt geti gerst á morgun. „Ef við einbeitum okkur að okkur, ekki þeirra liði eða hitanum eða þess háttar. Ef við einbeitum okkur að því að spila góðan varnarleik og að halda aftur af þeirra sóknarmönnum þá getum við alltaf skorað mark."

Hörpu var stillt upp við vegg og spurð hvernig leikurinn á morgun færi.

„Ég ætla segja 1-0 fyrir Íslandi," sagði Harpa að lokum. Viðtalið í heild má sjá í spilaranum hér að ofan. Leikurinn á morgun byrjar klukkan 19:00.