Hollendingur af tyrkneskum uppruna dæmir Kósovó - Ísland

Á fimmtudaginn leikur Ísland fyrri leik sinn gegn Kósovó í umspili um sæti í B-deild Þjóðadeildarinnar. Leikurinn fer fram í Pristina í Kósovó en seinni leikurinn, skráður heimaleikur Íslands, verður spilaður í Murcia.

Það verða Hollendingar sem dæma leikinn en aðaldómari verður Serdar Gözübüyük. sem er af tyrkneskum uppruna.

Hann er 39 ára og dæmir í hollensku úrvalsdeildinni auk þess sem hann hefur dæmt í öllum þremur Evrópukeppnum UEFA í vetur. Síðasti landsleikur sem hann dæmdi var Þjóðadeildarleikur Póllands og Portúgals í október.