Óskar Örn Hauksson.
Óskar Örn Hauksson skoraði sigurmark KR í 1-0 sigri liðsins á Keflavík í kvöld. Hann segir liðið hafa ákveðið að hefja mótið í kvöld eftir slakt gengi í upphafi þess.
Hann tók undir með að þetta hefðu verið ánægjuleg úrslit, en KR hafði einungis þrjú stig fyrir leikinn.
,,Já gríðarlega. Þetta var algjör must-win leikur fyrir okkur þannig séð, náttúrulega háldöpur byrjun á mótinu og ur því sem komið var ákváðum við fyrir þennan leik að við skildum byrja þetta mót hér og við erum mættir," sagði Njarðvíkingurinn.
,,Mér fannst við nú liggja svolítið á þeim heilt yfir og vorum búnir að leita lengi að þessu marki. Þetta leit ekki vel út en sem betur fer datt þetta inn í lokin."
Hann sagði tilfinningar sínar sem Njarðvíking litlu hafa skipt.
,,Þetta er bara spurning um að vinna leikinn. Mér er alveg sama hvort þetta sé Keflavík eða eitthvað annað."
