Fótbolti.net

Davíð Smári: Hendum þessu frá okkur í einhverja vitleysu

Nik Chamberlain: Hefðum getað skorað fleiri

Lárus Orri: Erum ennþá í miðri á

Einar Guðna: Skilyrði að snúa þessu við

Fær kveðjuleik á Laugardalsvelli: Myndi gera ótrúlega mikið fyrir mig

Stýrði Gróttu í fjarveru Rúnars: Mjög vonsvikinn

Jói Hreiðars: Þær fengu of auðveld færi

Matti Guðmunds: Þetta átti að enda með marki

Donni: Reynir á að sýna kjark og dug

Ashley Brown um endurkomu til Íslands: Svo frábært að ég þurfti að koma aftur

Guðni Eiríksson: Sem betur fer þá hefur FH liðið að einhverju að keppa

Óskar Smári: Eina liðið sem vinnur leik komandi inn í neðri hlutan

Sjáðu lætin á Króknum - Ætluðu að vaða í dómarana

Konni: Bara Derby slagur og við vel stilltir

Sverri Hrafn: Þetta var bara algjör þvæla

Venni: Get ekkert farið að sparka í ruslatunnur eða urðað yfir menn

Hemmi hafði ekki tíma í að einbeita sér að leiknum - „Það voru allir að biðja um skiptingu"

Liam Daði: Við stefnum á Laugardalsvöll og það er ekkert flókið

Karl Ágúst talar um hátt spennustig - „Allt undir á sunnudaginn"

Haraldur Freyr: Það er bara hálfleikur í þessu

fös 18. júlí 2014 18:35

Arnar Daði Arnarsson

Faðir Arons Elísar: Hann mætti bæta sig í heimilsstörfunum

Feðgarnir, Þrándur og Aron Elís fyrir tímabilið.

Mynd: Fótbolti.net - Hafliði Breiðfjörð

Aron Elís Þrándarson leikmaður Víkings er sá leikmaður í Pepsi-deildinni sem hefur verið hvað mest í umræðunni síðustu daga og vikur. Frammistaða hans í sumar hefur vakið verðskuldaða athygli og er það einungis tímaspursmál hvenær Aron Elís kveður Pepsi-deildina og heldur á vit ævintýranna í atvinnumennskuna.

Við hittum á Þránd Sigurðsson, faðir Arons Elísar en Þrándur er fyrrum knattspyrnumaður, íþróttakennari og yngri flokka þjálfari hjá Víking.

,,Það hefur gengið vel hjá stráknum og vonandi verður það áfram. Ég vissi að hann væri efnilegur knattspyrnumaður og auðvitað vonaðist maður eftir að hann myndi springa út í sumar. Það hefur gengið vel það sem af er en það er mikið eftir," sagði Þrándur aðspurður út í það hvort hann hafði búist við svona góðri spilamennsku hjá syninum.

,,Hann er mjög fókuseraður á fótboltann og hefur alltaf verið. Hans draumur er að komast eitthvað lengra í þessu. Hann hefur fína snerpu og er hraður á fyrstu metrum og hefur góða fyrstu snertingu sem er gríðarlega mikilvægt. Hann hefur gott auga og er hættulegur þegar hann kemst á stað, einn á einn," sagði Þrándur aðspurður út í kosti Arons á velli. En hvað þarf hann helst að hugsa um til að ná enn lengra?

,,Það er enginn fullkominn og hann er langt frá því. Menn þurfa alltaf að hugsa um varnarleik og það sem er númer eitt, tvö og þrjú hjá ungum iðkendum er hugarfarið. Menn þurfa að hugsa vel um sig og fókusera á sinn eigin líkama og fara ekki framúr sér. Ég vona að hann vinni vel í því og þá held ég að honum séu allir vegir færir."

,,Hann fær þetta alls ekkert frá mér. Ég gat ekkert í fótbolta. Vonandi fékk hann eitthvað frá mér en ég var ekki eins leikmaður og hann," sagði Þrándur.

Að lokum spurðum við Þránd út í heimilsstörfin og hvort Aron Elís væri jafn góður í heimilsstörfunum og hann er á vellinum.

,,Hann er nú frekar rólegur í heimilsstörfunum. Ég held ég fari ekkert nánar út í það. Það er engin spurning að hann mætti bæta sig þar," sagði Þrándur Sigurðsson að lokum í samtali við Fótbolta.net.

Viðtalið getur þú séð í heild sinni í sjónvarpinu hér að ofan.