Undrabarnið Lamine Yamal mun klæðast nýju treyjunúmeri hjá Barcelona á næstu leiktíð, en hann tekur númer sem Lionel Messi klæddist fyrstu árin í Barcelona.
Yamal, sem fagnaði 17 ára afmæli sínu á dögunum, var í úrvalsliði Evrópumótsins er Spánn varð Evrópumeistari síðustu helgi.
Hann sló hvert metið á fætur öðru og tókst að skora eitt ásamt því að leggja upp fjögur.
Yamal klæddist treyju númer 27 á síðustu leiktíð hjá Barcelona en hann verður númer 19 á næsta tímabili, sama númer og hann notaði með landsliði Spánar á EM.
Þar fetar hann í fótspor Messi sem klæddist númerinu í byrjun ferilsins. Hann var númer 19 frá 2005 til 2008 áður en hann tók 'tíuna'.
Messi og Yamal þekkjast ágætlega. Það kom upp á yfirborðið á dögunum að Messi baðaði sex mánaða gamlan Yamal í myndatöku fyrir UNICEF í desember árið 2007, en þeir munu væntanlega hittast aftur þegar Argentína og Spánn mætast í Finalissima leiknum á næsta ári.
????????1??9?? Barcelona confirm Lamine Yamal to wear shirt number 19 this season. pic.twitter.com/CjfDBFtLXk
— Fabrizio Romano (@FabrizioRomano) July 17, 2024
Athugasemdir
