Spánn: Inaki Williams með sjálfsmark í jafntefli

Athletic Bilbao tók á móti Granada í fyrsta leik helgarinnar í spænska boltanum þar sem heimamenn í Bilbao þurftu sigur í baráttunni um síðasta meistaradeildarsætið.

Þeir lentu þó undir snemma leiks þegar Inaki Williams skoraði í eigið net, en Gorka Guruzeta jafnaði metin á 24. mínútu.

Athletic var talsvert sterkari aðilinn í kvöld og fékk góð færi til að taka forystuna en nýtti þau ekki.

Heimamenn klúðruðu hverri sókninni fætur annarri og urðu lokatölur 1-1 gegn Granada sem er í fallsæti, tíu stigum frá öruggu sæti í deildinni þegar sex umferðir eru eftir.

Athletic er þremur stigum frá Atlético Madrid í meistaradeildarsæti og er svo gott sem búið að tryggja sér þátttökurétt í Evrópudeildina næsta haust.