England: Aston Villa gekk frá Newcastle í seinni hálfleik

Aston Villa komst yfir eftir hálfa mínútu. Ollie Watkins átti skot sem fór af Fabian Schar og í netið. Stuttu síðar var Watkins aftur í fær en hann negldi boltanum í tréverkið.

Fabian Schar var heppinn að vera áfram inn á þegar hann braut á Watkins þegar hann var að sleppa í gegn. Schar jafnaði metin stuttu síðar með marki af stuttu færi.

Eftir rúmlega klukkutíma leik tæklaði Boubacar Kamara Bruno Guimaraes og sá síðarnefndi var ekki sáttur með að fá ekki víti. Strax í næstu sókn kom Ian Maatsen Aston Villa yfir eftir laglega sókn.

Þegar stundafjórðungur var til loka venjulegs leiktíima var Dan Burn fyrir því óláni að skora sjálfsmark og stuttu síðar bætti Amadou Onana við fjórða markinu og innsiglaði sigur Aston Villa.

Aston Villa fer upp í 6. sæti með 57 stig, tveimur stigum á eftir Newcastle sem situr í 3. sæti. Þá er Villa með jafn mörg stig og Nottingham Forest sem situr í 5. sæti.