Spánn: Skoraði þrennu í tapi gegn Barcelona

Ferran Torres kom Börsungum á bragðið á 12. mínútu en það var Borja Iglesias, 32 ára framherji, Celta Vigo sem tók málin í sínar hendur eftir það.

Hann jafnaði metin á 15. mínútu og skoraði síðan tvö mörk á tíu mínútum snemma í síðari til þess að fullkomna þrennu sína.

Barcelona-liðið fór ekki í neina uppgjöf. Dani Olmo minnkaði muninn á 64. mínútu og jafnaði Raphinha metin fjórum mínútum síðar.

Undir lok leiksins fékk Barcelona vítaspyrnu er Olmo var tekinn niður í teignum og skoraði Raphinha sigurmarkið sem kom Börsungum í sjö stiga forystu í titilbaráttunni.

Rayo Vallecano og Valencia gerðu 1-1 jafntefli fyrr í dag.

Cesar Tarrega setti boltann í eigið net rétt áður en flautað var til loka fyrri hálfleiks en Valencia jafnaði með marki Umar Sadiq fimmtán mínútum fyrir leikslok.

Vallecano er í 9. sæti með 41 stig á meðan Valencia er í 14. sæti með 38 stig.

Barcelona 4 - 3 Celta
1-0 Ferran Torres ('12 )
1-1 Borja Iglesias ('15 )
1-2 Borja Iglesias ('52 )
1-3 Borja Iglesias ('62 )
2-3 Dani Olmo ('64 )
3-3 Raphinha ('68 )
4-3 Raphinha ('90 , víti)

Rayo Vallecano 1 - 1 Valencia
1-0 Cesar Tarrega ('45 , sjálfsmark)
1-1 Umar Sadiq ('75 )