Andoni Iraola þjálfari Bournemouth var hress eftir jafntefli á heimavelli við Manchester City í mikilvægum úrvalsdeildarslag fyrr í kvöld.
Bournemouth leiddi stærsta hluta leiksins en Man City tókst að jafna metin undir lok uppbótartímans, svo lokatölur urðu 1-1.
Jafnteflið gerir út um titilvonir Man City sem þýðir að Arsenal hefur tryggt sér langþráðan Englandsmeistaratitil, eftir 22 ára bið.
Mikel Arteta, æskuvinur Iraola, er við stjórnvölinn hjá Arsenal og var Iraola spurður hvort hann búist við gjöf frá vini sínum til að þakka honum fyrir greiðann.
„Það væri æðislegt að fá eitthvað! Ég er ekki einu sinni búinn að skoða símann minn en ég býst við að vera með allavega ein textaskilaboð sem bíða mín," sagði Iraola.
„Þeir hefðu líklega klárað tímabilið sjálfir með sigri í lokaumferðinni. Ég er ánægður fyrir hans hönd því hann er búinn að vinna ótrúlegt starf hjá Arsenal. Þeir eru búnir að vera mjög góðir síðustu tímabil og eiga skilið að hampa titlinum."
19.05.2026 21:36
Iraola hefur trú á Meistaradeildarsæti
