Mikel Arteta er spenntur fyrir mikilvægu einvígi Bournemouth gegn Manchester City sem fer fram í kvöld. Þessi leikur getur ráðið úrslitum bæði í titilbaráttunni og Meistaradeildarbaráttunni.
Man City þarf sigur til að halda í við Arsenal í titilbaráttunni, allt annað myndi tryggja afar langþráðan titil Arsenal.
Bournemouth þarf að sama skapi sigur til að eiga möguleika á Meistaradeildarsæti.
„Ég verð stærsti stuðningsmaður í sögu Bournemouth," sagði Arteta eftir 1-0 sigur Arsenal gegn Burnley í gærkvöldi. „Við höldum allir með Bournemouth á morgun útaf því að við vitum hvað jákvæð úrslit hjá þeim myndu þýða fyrir okkur."
Þetta verður síðasti heimaleikur Andoni Iraola við stjórnvölinn hjá Bournemouth en liðið er ósigrað í síðustu sextán deildarleikjum í röð. Bournemouth tapaði síðast gegn Arsenal í byrjun árs. Arteta var spurður hvaða ráð hann myndi gefa samlanda sínum fyrir leikinn gegn City.
„Það sem hann hefur gert með þetta fótboltalið er ótrúlegt. Ég þarf ekki að gefa honum nein ráð. Ég býst við að þetta verði hörkuleikur, sérstaklega miðað við hvernig Burnley spilaði gegn okkur í kvöld. Þeir sýndu svo mikla baráttu og gerðu okkur mjög erfitt fyrir. Þið getið rétt ímyndað ykkur hvernig Bournemouth verður. Hvernig sem þetta fer þá verður þetta ekki auðveldur leikur fyrir neinn."
Arteta var að lokum spurður hvernig hann höndlar stressið sem fylgir því að vera að berjast um titla með Arsenal.
„Ég veit það ekki. Miðað við hvað ég er með þykkt hár þá bjóst ég við að ég myndi aldrei missa það, en ég held að þetta starf muni virkilega reyna á þá kenningu."
18.05.2026 22:37
Arteta: Bíðum spenntir eftir leiknum á morgun
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 37 | 25 | 7 | 5 | 69 | 26 | +43 | 82 |
| 2 | Man City | 36 | 23 | 8 | 5 | 75 | 32 | +43 | 77 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Brentford | 37 | 14 | 10 | 13 | 54 | 51 | +3 | 52 |
| 9 | Sunderland | 37 | 13 | 12 | 12 | 40 | 47 | -7 | 51 |
| 10 | Chelsea | 36 | 13 | 10 | 13 | 55 | 49 | +6 | 49 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 36 | 9 | 11 | 16 | 46 | 55 | -9 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 37 | 4 | 9 | 24 | 37 | 74 | -37 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
