Fannst ekki ganga nógu vel að koma mönnum niður á jörðina eftir leikinn gegn FH
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Já, mjög ánægður með sigurinn. Gríðarlega erfiður leikur, ÍR voru mjög góðir. Leikurinn var svolítið spilaður á þeirra forsendum, þeir náðu að ýta okkur svolítið út úr okkar leik. En við sýndum karakter og náðum að klára þetta. Sterkt að vinna á heimavelli" sagði Heimir Guðjónsson, þjálfari Fylkis eftir 2-1 sigur á heimavelli gegn ÍA í fjórðu umferð Lengjudeildarinnar.
Ertu óánægður með frammistöðuna í dag?
„Við erum búnir að spila þétt, frammistaðan var ekki góð. Þetta er fjórði leikurinn sem við spilum á heimavelli, þá er þetta sísta frammistaðan. En í seinni hálfleik þá hélt skipulagið og við náðum að pota einum í lokin. Ég ætla langt frá því að segja að þetta hafi verið sanngjarnt, en við tökum sigurinn."
Heimir segir að leikmenn Fylkis áttu erfitt með að komast niður á jörðina eftir leikinn gegn FH.
„Já, ég meina auðvitað frábært að komast áfram í bikarnum. En við reyndum að gera allt sem í okkar valdi stóð til þess að koma mönnum niður á jörðina. Mér fannst það ekki heppnast nógu vel."
Gummi Tyrfings byrjaði í dag eftir langa fjarveru og langa setu á bekknum.
„Gummi er frábær fótboltamaður. Hann lenti í því að vera meiddur í byrjun móts, þetta er fyrsti leikurinn í byrjunarliðinu. Hann var búin að vera besti leikmaðurinn okkar í undirbúningstímabilinu. Benni meiddist á móti FH, þannig fínt fyrir Gumma að fá leik, svo bara höldum við áfram."
Fullt viðtal í spilaranum fyrir ofan
