Iraola er gríðarlega eftirsóttur um alla Evrópu eftir magnaðan árangur við stjórnvölinn hjá Bournemouth.
Andoni Iraola þjálfari Bournemouth var stoltur eftir jafntefli gegn Manchester City í ensku úrvalsdeildinni í kvöld.
Bournemouth stóð sig frábærlega og leiddi 1-0 stærstan hluta leiksins, en Man City tókst að jafna metin seint í uppbótartíma svo lokatölur urðu 1-1.
Sigur hefði komið Bournemouth í góða stöðu í baráttunni um Meistaradeildarsæti en núna þarf liðið stórsigur á útivelli gegn Nottingham Forest í lokaumferðinni til að eiga einhvern möguleika. Stigið tryggir þó þátttöku Bournemouth í deildarkeppni Evrópudeildarinnar á næstu leiktíð.
„Á upphafi tímabilsins hefði maður aldrei getað ímyndað sér að við ættum möguleika á að ná Meistaradeildarsæti í lokaumferðinni. Við eigum skilið að vera hérna," sagði Iraola eftir lokaflautið. „Við unnum ekki leikinn í dag en það skiptir ekki máli, við spiluðum svo vel og tryggðum okkur sæti í Evrópudeildinni.
„Ég naut þess svo mikið að horfa á strákana spila þennan leik, þeir voru frábærir. Þeir sýndu sterkan persónuleika og mikið hugrekki og fengu frábær færi til að tvöfalda forystuna. Við hefðum getað unnið þennan leik en ég er samt ánægður. Við getum verið stoltir af því hvernig við spiluðum.
„Pep er sá besti af þeim bestu, hann hefur unnið allt sem hefur verið í boði. Við gerðum þeim mjög erfitt fyrir í þessum leik og það sást að þeir voru þreyttir eftir stíft leikjaprógram og bikarúrslitaleik um helgina."
Iraola yfirgefur Bournemouth þegar samningur hans við félagið rennur út í sumar en hann hefur gert magnaða hluti á þremur árum við stjórnvölinn.
„Ég hef notið dvalarinnar hérna í botn og ég er stoltur að skilja við félagið á góðum stað. Ég veit ekki hvað næsta skref verður á mínum ferli en ég er ekki að flýta mér út um dyrnar. Ég er ekki að hugsa um framtíðina mína núna, ég er bara að hugsa um að enda tímabilið á sigri. Við erum búnir að tryggja okkur í Evrópudeildina, spurningin er bara getum við náð í Meistaradeildarsæti?"
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
