Fótbolti.net

þri 19. maí 2026 21:54

Ívan Guðjón Baldursson

Pep: Endar alltaf illa þegar fjölmiðlar skrifa svona fréttir í miðri titilbaráttu

Mynd: EPA

Pep Guardiola var svekktur í viðtali eftir 1-1 jafntefli Manchester City gegn Bournemouth í mikilvægum slag í ensku úrvalsdeildinni fyrr í kvöld.

19.05.2026 09:05

Maresca tekur við af Pep

Man City er búið að missa af Englandsmeistaratitlinum útaf jafnteflinu þar sem liðið er fjórum stigum á eftir toppliði Arsenal fyrir lokaumferð tímabilsins.

Þetta var fimmti leikur City á síðustu 15 dögum en síðasti leikur liðsins var úrslitaleikur FA bikarsins gegn Chelsea á laugardaginn. Guardiola gerði aðeins tvær breytingar á byrjunarliðinu á milli leikja og sást það í þreyttum fótleggjum. Þess má geta að þetta var 32. leikur City frá áramótum.

„Við vissum að þetta yrði erfitt, það vantaði uppá orkuna hjá okkur. Við vorum að mæta liði sem fékk 12 daga til að undirbúa sig fyrir leikinn, liði sem spilar af miklum krafti. Sóknarmennirnir þeirra eru svo orkumiklir og við réðum ekki við þá," sagði Pep.

„Við fengum þrjá daga í undirbúning og þurftum að ferðast á milli staða. Strákarnir börðust af miklum krafti og við vorum óheppnir að skora ekki jöfnunarmark fyrr. Nico O'Reilly fékk gott færi og svo var þessi rangstaða á Erling Haaland sem VAR ætti að skoða betur. Við náðum því miður ekki að bregðast við með marki fyrr en alltof seint. Svona er þetta.

„Strákarnir hafa lagt allt í sölurnar á þessu tímabili. Þeir hafa verið að gera sitt besta við krefjandi aðstæður og að lokum komumst við nálægt því að vinna. Ég vil óska Arsenal til hamingju með verðskuldaðan Englandsmeistaratitil. Mikel (Arteta) og starfsteymið hans lögðu inn mikla vinnu og ég óska þeim til hamingju."

Pep var einnig spurður út í framtíð sína hjá Man City eftir háværar fregnir um alla fjölmiðla að hann sé að stíga til hliðar.

„Ég gæti sagt við ykkur að ég er með eitt ár eftir af samningi eins og ég hef verið að gera. Af minni reynslu þá endar það alltaf illa þegar fjölmiðlar skrifa svona fréttir í miðri titilbaráttu. Þetta hefur áhrif á leikmenn.

„Ég er með eitt ár eftir af samningi. Ég get ekki sagt meira þar sem ég á eftir að ræða við forseta félagsins, leikmennina og starfsteymið. Mér líður mjög vel hjá þessu stórkostlega félagi."

		L	U	J	T	ms:	mf:	mun	Stig
1	Arsenal	37	25	7	5	69	26	+43	82
2	Man City	37	23	9	5	76	33	+43	78
3	Man Utd	37	19	11	7	66	50	+16	68
4	Aston Villa	37	18	8	11	54	48	+6	62
5	Liverpool	37	17	8	12	62	52	+10	59
6	Bournemouth	37	13	17	7	57	53	+4	56
7	Brighton	37	14	11	12	52	43	+9	53
8	Chelsea	37	14	10	13	57	50	+7	52
9	Brentford	37	14	10	13	54	51	+3	52
10	Sunderland	37	13	12	12	40	47	-7	51
11	Newcastle	37	14	7	16	53	53	0	49
12	Everton	37	13	10	14	47	49	-2	49
13	Fulham	37	14	7	16	45	51	-6	49
14	Leeds	37	11	14	12	49	53	-4	47
15	Crystal Palace	37	11	12	14	40	49	-9	45
16	Nott. Forest	37	11	10	16	47	50	-3	43
17	Tottenham	37	9	11	17	47	57	-10	38
18	West Ham	37	9	9	19	43	65	-22	36
19	Burnley	37	4	9	24	37	74	-37	21
20	Wolves	37	3	10	24	26	67	-41	19