Myndir: Medalíurnar loks afhentar 58 árum síðar

Fyrir leik KR og Fram á Meistaravöllum í gær voru Íslandsmeistarar KR í 5. flokki árið 1968 heiðraðir og fengu loks medalíur eftir 58 ára bið.

Kristján Jónsson blaðamaður vakti athygli á afhendingunni í Morgunblaðinu í síðustu viku.

Í greininni kom fram að KR-ingarnir hefðu ekki fengið verðlaunapening á sínum tíma þar sem það tíðkaðist ekki að KSÍ gæfi medalíur í yngstu aldursflokkunum. Bikar fyrir liðið var látinn nægja.

Hafliði Breiðfjörð var á vellinum og tók myndir af kempunum þegar þeir fengu loks verðlaunapeninginn um hálsinn.