Leikmenn Nice flúðu undan bálreiðum stuðningsmönnum sem óðu inn á völlinn

Þetta hefur verið erfitt tímabil fyrir franska liðið Nice en bálreiðir stuðningsmenn liðsins óðu inn á völlinn eftir markalaust jafntefli gegn Metz.

Nice hefði þurft að vinna leikinn til að tryggja áframhaldandi veru í deildinni en jafnteflið gerir það að verkum að liðið endaði í þriðja neðsta sæti og fer í umspil við St-Etienne, sem endaði í þriðja sæti B-deildarinnar.

Leikmenn Nice þurftu að flýja á hlaupum inn í búningsklefa undan reiðum harðkjarna stuðningsmönnum. Reiði stuðningsmannan beinist helst að eigandanum Sir Jim Ratcliffe og Ineos en þeir eru að vinna í að reyna að selja félagið.

Nice byrjaði tímabilið í Meistaradeildinni eftir að hafa endað í fjórða sæti á síðasta tímabili en gæti nú fallið í B-deildina. Liðið á þó möguleika á að verða franskur bikarmeistari þar sem það mætir Lens í úrslitaleik á föstudag.