Ekki bara Tottenham sem vill Palhinha

Palhinha hefur verið einn af betri leikmönnum tímabilsins í fallbaráttuliði Tottenham og hefur úrvalsdeildarfélagið möguleika á því að festa kaup á Portúgalanum fyrir 26 milljónir punda.

Tottenham vill kaupa Palhinha þar sem Roberto De Zerbi þjálfari er mjög hrifinn af honum sem leiðtoga á miðjunni, en óljóst er hvort leikmaðurinn sjálfur kjósi að spila fyrir Tottenham eða haldi frekar á önnur mið.

Tottenham er einu stigi frá því að bjarga sér frá falli úr úrvalsdeildinni þegar tveir leikir eru eftir. Liðið á eftir að spila útileik gegn Chelsea og heimaleik við Everton.

Palhinha er með tvö ár eftir af samningi sínum við FC Bayern en er ekki partur af framtíðaráformum Þýskalandsmeistaranna. Ljóst er að ef hann kýs að fara ekki til Tottenham verður hann settur aftur á sölulista hjá Bayern.

Palhinha verður 31 árs í sumar og gæti haft áhuga á að skipta aftur til Sporting þar sem hann hóf ferilinn sem atvinnumaður í fótbolta. Palhinha var aðeins 17 ára gamall þegar hann gekk til liðs við Sporting í fyrsta sinn.

Nottingham Forest og Besiktas eru einnig sögð vera áhugasöm um að tryggja sér krafta Palhinha.

TENGT EFNI08.05.26 - 09:00

Vill halda Palhinha áfram hjá Tottenham