„Auðvitað, ógeðslegt að tapa þessu með síðustu spyrnu leiksins" sagði Jóhann Birnir Guðmundsson, þjálfari ÍR eftir svekkjandi 2-1 tap á útivelli gegn Fylki.
Lestu um leikinn: Fylkir 2 - 1 ÍR
Heilt yfir, ertu ánægður með frammistöðuna?
„Já ég er mjög ánægður með frammistöðuna, mér fannst við vera mjög flottir á löngum köflum í leiknum. Vorum ekki að fá á okkur mikið af færum. Þetta var frekar jafn leikur, en í seinni hálfleik fannst mér við skapa töluvert hættulegri stöður heldur en þeir og færi í rauninni. En við náðum ekki að loka leiknum okkar megin."
ÍR fékk á sig jöfnunarmark gegn Grindavík á 89 mínútu í síðasta leik og Fylkir vann leikinn á 93 mínútu í kvöld.
Eru þið að missa fókus á þessum síðustu mínútum?
„Ég veit það nú ekki. Í fyrsta lagi fannst mér þetta vera skrýtin aukaspyrna sem hann dæmir út á velli, sem verður til þess að þeir ná að hengja boltann inn í teig. Við vissum það að það var tíu sekúndur eftir af leiknum, þannig að mér fannst það skrýtin aukaspyrna. En allavega við þurfum auðvitað að díla við það og allt það. En síðan hrekkur boltinn, kemur bara inn í og hrekkur á Fylkismanninn inn í markteig. Það getur alltaf gerst."
„Mér fannst þetta ekki vera aukaspyrna."
Fullt viðtal í spilaranum fyrir ofan
