Vinicius Jr færist nær því að vera áfram hjá Real - Liverpool gæti gert janúartilboð í Semenyo
   lau 20. febrúar 2021 16:48
Ívan Guðjón Baldursson
Þýskaland: Bayern tapaði í Frankfurt
Evrópumeistarar FC Bayern voru að tapa þriðja deildarleiknum á tímabilinu og hafa þar með misstigið sig tvær umferðir í röð. Þetta er því kjörið tækifæri fyrir RB Leipzig til að setja pressu á stærsta félag í sögu þýska boltans.

Bayern heimsótti Eintracht Frankfurt í dag og lenti tveimur mörkum undir fyrir leikhlé. Japaninn knái Daichi Kamada skoraði og lagði svo upp fyrir Amin Younes og staðan því óvænt 2-0 í hálfleik.

Leon Goretzka kom inn fyrir Marc Roca í leikhlé og tók Bayern öll völd á vellinum. Það tók Robert Lewandowski nokkrar mínútur að minnka muninn eftir stoðsendingu frá Leroy Sane en Pólverjanum tókst ekki að skora annað mark.

Bæjarar fengu góð færi en komu knettinum ekki í netið. Heimamenn gerðu frábærlega að halda þetta út og landa frábærum 2-1 sigri.

Bayern er með fimm stiga forystu á toppi þýsku deildarinnar. Leipzig getur brúað bilið niður í tvö stig með sigri á útivelli gegn Hertha Berlin á morgun.

Eintracht Frankfurt 2 - 1 FC Bayern
1-0 Daichi Kamada ('12 )
2-0 Amin Younes ('31 )
2-1 Robert Lewandowski ('53 )

Slæmt gengi Borussia Mönchengladbach hélt þá áfram í dag er liðið tapaði óvænt heimaleik gegn fallbaráttuliði Mainz.

Stuttgart og Union Berlin unnu þá útileiki og eru skammt frá Evrópubaráttunni.

Borussia Mönchengladbach 1 - 2 Mainz
0-1 Karim Onisiwo ('10 )
1-1 Lars Stindl ('26 )
1-2 Kevin Stoger ('86 )

Freiburg 0 - 1 Union Berlin
0-1 Grischa Promel ('64 )

Koln 0 - 1 Stuttgart
0-1 Sasa Kalajdzic ('49 )
Stöðutaflan Þýskaland Bundesliga - karlar
  L U J T ms: mf: mun Stig
1 Bayern 11 10 1 0 41 8 +33 31
2 RB Leipzig 12 8 2 2 22 13 +9 26
3 Leverkusen 11 7 2 2 27 15 +12 23
4 Dortmund 11 6 4 1 19 10 +9 22
5 Stuttgart 11 7 1 3 20 15 +5 22
6 Eintracht Frankfurt 11 6 2 3 27 22 +5 20
7 Hoffenheim 11 6 2 3 22 17 +5 20
8 Union Berlin 11 4 3 4 14 17 -3 15
9 Werder 11 4 3 4 15 20 -5 15
10 Köln 11 4 2 5 20 19 +1 14
11 Gladbach 12 3 4 5 16 19 -3 13
12 Freiburg 11 3 4 4 15 20 -5 13
13 Augsburg 11 3 1 7 15 24 -9 10
14 Hamburger 11 2 3 6 9 17 -8 9
15 Wolfsburg 11 2 2 7 13 21 -8 8
16 St. Pauli 11 2 1 8 9 21 -12 7
17 Mainz 11 1 3 7 11 19 -8 6
18 Heidenheim 11 1 2 8 8 26 -18 5
Athugasemdir
banner
banner