Albanía og Serbía fá sekt vegna hegðunar stuðningsmanna

Serbneska sambandið fékk sekt sem hljóðar upp á 14500 evrur en það er vegna þess að stuðningsmenn liðsins köstuðu aðskotahlutum inn á völlinn í leiknum gegn Englandi í fyrstu umferð riðlakeppninnar.

Þá fundust þeir einnig sekir um að senda ögrandi skilaboð.

Albanska sambandið hefur einnig verið sektað um rúmlega 37 þúsund evrur þar sem stuðningsmenn liðsins köstuðu aðskotahlutum, kveiktu í flugeldum, fóru inn á völlinn og voru með ögrandi skilaboð í leik liðsins gegn Ítalíu.