Barcelona mun fá skaðabætur frá FIFA en þær hafa lítið að segja þegar liðið hefur misst lykilmann sinn út tímabilið. Gavi mun einnig missa af Evrópumótinu sjálfu næsta sumar.

Gavi hefur spilað nánast alla leiki tímabilsins, hann hefur misst af tveimur leikjum vegna leikbanna.

Spænskir fjölmiðlar hafa rifjað upp ummæli De La Fuente fyrir leikinn en þau líta ekki vel út í dag.

„Gavi er ofvirkur. Hann vill aldrei hætta. Þú þarft bara að sjá hvernig hann æfir, hann er fullur orku og þess vegna spilar hann svo mikið og svo vel. Ég hef minnst á þetta áður og geri það aftur. Góðir leikmenn, þeir hvíla sig aldrei," sagði La Fuente.

Eftir meiðslin í gær gat Gavi ekki leynt tilfinningum sínum og hágrét. Hann hélt svo áfram að gráta inni í klefa og var algjörlega niðurbrotinn.