KR skoraði átta mörk gegn Fram.
Lengjubikar karla er kominn á fleygiferð og var fjöldi leikja um helgina.
Það voru átta leikir á milli liða í Pepsi Max-deild karla, efstu deild, og Lengjudeildinni, næst efstu deild.
Svo fór að í öllum leikjunum fóru liðin úr efstu deild með sigur af hólmi og í flestum tilvikum var það með miklum yfirburðum. Alls var markatalan 41 - 5 í þessum átta leikjum.
Samúel Samúelsson, formaður Vestra sem leikur í Lengjudeildinni, segir að þessir leikir gefi ekki endilega rétta mynd af muninum á milli þessara liða. Hann bendir á bikarleiki frá síðasta sumri þar sem talsvert minnir munur var á milli liða í efstu deild og deildunum fyrir neðan.
Úrslit um helgina:
Valur 8 - 1 Grindavík
Þróttur R. 0 - 5 Breiðablik
Leiknir R. 4 - 1 ÍBV
Keflavík 5 - 0 Vestri
KR 8 - 2 Fram
HK 2 - 0 Afturelding
Víkingur Ó. 0 - 5 KA
Fjölnir 1 - 4 Fylkir
Lið í Pepsi Max vs lið í Lengjudeildinni um helgina, samtals:
— Elvar Geir Magnússon (@elvargeir) February 21, 2021
41 - 5#fotboltinet
Pepsi liðin yfirleitt klár fyrr með hópinn en liðin í Lengjudeild. Lengjuliðin oftast seinna með erlenda leikmenn þar sem þau hafa ekki efni á því að vera með þá á 12 mánaða samningum eins og í pepsi. Ég er ekki að seigja að það sé ekki munur, en ekki svona mikill samt 👍
— Samúel Samúelsson (@SSamelsson) February 21, 2021
Athugasemdir
