Þýskaland: Werner með þrennu í stórsigri

Timo Werner skoraði þrennu er RB Leipzig rúllaði yfir Mainz í öðrum leik dagsins í þýska boltanum.

Heimamenn í Mainz áttu aldrei möguleika þar sem gestirnir mættu grimmir til leiks og voru komnir í þriggja marka forystu fyrir leikhlé.

Werner gerði fyrsta markið áður en Daninn Yussuf Poulsen og hinn austurríski Marcel Sabitzer bættu sitt hvoru markinu við.

Werner skoraði svo tvö mörk í síðari hálfleik til að fullkomna þrennuna. Werner er í öðru sæti yfir markahæstu leikmenn deildarinnar, með 24 mörk og 7 stoðsendingar. Robert Lewandowski er markahæstur með 27 mörk.

Mainz er aðeins fjórum stigum fyrir ofan fallsæti eftir tapið á meðan Leipzig endurheimtir þriðja sætið af Bayer Leverkusen.

Leipzig er búið að skora 68 mörk á deildartímabilinu og jafna þannig félagsmetið frá leiktíðinni 2016-17 þegar liðið skoraði 68 mörk.