Blikar lyftu sér aftur upp í toppsæti Pepsideildar kvenna í kvöld með góðum útisigri á liði Grindavíkur en lokatölur leiksins urðu 0-2.
Sigurinn fleytir Blikum eins og áður segir í toppsæti deildarinnar stigi á undan Þór/Ka .
Sigurinn fleytir Blikum eins og áður segir í toppsæti deildarinnar stigi á undan Þór/Ka .
Lestu um leikinn: Grindavík 0 - 2 Breiðablik
„Það skiptir máli að spila 3 leiki á 6 dögum það er eftitt og þetta voru ekkert auðveldir leikir sem við vorum að spila á undan og auðvitað hefur það áhrif og mann finnst það sérstakt að það gæti ekki jafnræðis í þessu að við fáum jafnlanga hvíld og aðrir sem spiluðu í undanúrslitunum.“
Sagði Þorsteinn aðspurður um hvort hans stelpur hefðu hreinlega ekki virkað þreyttar í kvöld þrátt fyrir sigurinn.
Ummæli Þorsteins eftir sigur Blika í undanúrslitum Mjólkurbikarsins um helgina vöktu talsverða athygli þar sem hann sagði að Grindavík hafi ekki þorað að færa leikinn um einn dag. En liggur ekki ábyrgðin á þvi fyrst og fremst hjá KSÍ?
„Jú mér finnst það. Mér finnst að það eigi ekkert að vera félögin að þurfa að semja um einhverja hluti heldur á Knattspyrnusambandið bara að taka ákvörðun. Önnur lið voru skráð á miðvikudegi og þvi skil ég ekki afhverju það var ekki samþykkt þegar við óskuðum eftir því . Þetta er ekki flókið ferli finnst mér en af einhverjum örsökum átti þetta að vera ógeðslega flókið og erfitt svo við ákváðum að standa ekkert lengur í þessu og spila þennan leik á þessum degi.“
Sagði Þorsteinn Halldórsson þjálfari Breiðabliks en nánar er rætt við hann í spilaranum hér að ofan.
Athugasemdir
