Edu er yfirmaður knattspyrnumála hjá Arsenal sem hefur verið virkt á leikmannamarkaðinum í sumar og eytt mest allra úrvalsdeildarfélaga.
Edu svaraði spurningum í viðtali í dag og viðurkenndi meðal annars að Arsenal hafi reynt að stela Raphinha en brasilíski kantmaðurinn þráði ekkert heitar en að ganga í raðir Barcelona.
„Ég ræddi við Deco en hann sagði mér að Barcelona væri í algjörum forgangi hjá Raphinha. Við gætum keypt fleiri leikmenn í sumar," sagði Edu meðal annars, en Arsenal er búið að borga meira en 120 milljónir punda fyrir fimm leikmenn í sumar - Gabriel Jesus, Oleksandr Zinchenko, Fabio Vieira, Marquinhos og Matt Turner.
Edu var svo spurður út í samstarfið við Mikel Arteta knattspyrnustjóra.
„Ég mun aldrei kaupa leikmann til félagsins sem Arteta er ekki búinn að samþykkja. Við náum afar vel saman."