Vestri heimsóttu Valsmenn í dag á N1 völlinn þegar 20.umferð Bestu deild karla hóf göngu sína.
Vestri eru að berjast fyrir lífi sínu í þessari deild og byrjaði þetta ekki gæfulega fyrir gestina sem spiluðu leikinn einum færri nánast allan leikinn.
Lestu um leikinn: Valur 3 - 1 Vestri
„Mitt lið barðist allt til enda og voru að reyna ná stigi úr þessu alveg fram á 90. mínútu og manni færri með uppbót í 90 mínútur og það er bara erfitt." Sagði Davíð Smári Lamude þjálfari Vestra eftir tapið í dag.
Vestri urðu einum manni færri strax á 5. mínútu leiksins þegar Gustav Kjeldsen fékk að líta rauða spjaldið fyrir að brjóta á Albin Skoglund sem var að sleppa einn í gegn.
„Auðvitað er það gríðarlegt högg en mér fannst ekki sjá á Vestraliðinu. Vestraliðið virtist aldrei gefast upp í þessum leik og það er það sem skiptir máli í þessum leik. Það skiptir máli hvernig þú tapar og mér fannst við tapa þessum leik á eins jákvæðan hátt og hægt er."
„Mér fannst þetta rauða spjald hrikalega ódýrt. Mér fannst varnarmaðurinn minn búin að taka sér stöðu og bara galin ákvöðrun en það er oft þannig að sumir aðilar vilja fá að vera í sviðsljósinu og því miður er það bara þannig og við verðum að fá að kyngja því."
Nánar er rætt við Davíð Smára Lamude í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 21 | 14 | 4 | 3 | 48 - 25 | +23 | 46 |
| 2. Víkingur R. | 20 | 13 | 4 | 3 | 47 - 23 | +24 | 43 |
| 3. Valur | 21 | 10 | 5 | 6 | 49 - 32 | +17 | 35 |
| 4. FH | 21 | 9 | 5 | 7 | 36 - 35 | +1 | 32 |
| 5. ÍA | 21 | 9 | 4 | 8 | 40 - 31 | +9 | 31 |
| 6. Stjarnan | 21 | 9 | 4 | 8 | 39 - 35 | +4 | 31 |
| 7. KA | 21 | 7 | 6 | 8 | 32 - 37 | -5 | 27 |
| 8. Fram | 21 | 7 | 5 | 9 | 28 - 29 | -1 | 26 |
| 9. KR | 20 | 5 | 6 | 9 | 34 - 39 | -5 | 21 |
| 10. HK | 21 | 6 | 2 | 13 | 23 - 51 | -28 | 20 |
| 11. Vestri | 21 | 4 | 6 | 11 | 22 - 42 | -20 | 18 |
| 12. Fylkir | 21 | 4 | 5 | 12 | 26 - 45 | -19 | 17 |
