Everton gæti átt yfir höfði sér stóra refsingu fyrir brot á fjármálareglum.
Fram kemur á Telegraph að Everton hafi tapað alltof háum fjárhæðum á síðustu þremur árum og það sé sérstök nefnd að fara yfir málið þessa stundina.
Ef það kemur í ljós að Everton braut reglurnar, þá gæti farið svo að tólf stig verði tekin af liðinu í ensku úrvalsdeildinni.
Búist er við því að nefndin muni skila sinni niðurstöðu fyrir árslok.
Everton hefur ekki farið sérlega vel af stað í ensku úrvalsdeildinni á tímabilinu en liðið er sem stendur í 16. sæti með sjö stig eftir níu leiki spilaða.
Athugasemdir
