Þessi 20 ára gamli framherji hefur spilað stóra rullu í liði Breiðabliks síðustu tvö tímabil en hann gerði 6 mörk í 19 leikjum í Pepsi Max-deildinni á síðasta tímabili.

Brynjólfur hefur í heildina spilað 68 leiki og gert 17 mörk í deild- og bikar með liðinu.

Hann hefur nú framlengt samning sinn við félagið til næstu þriggja ára eða til 2023.

Framherjinn knái á þá 22 leiki að baki fyrir yngri landslið Íslands og var hann meðal annars partur af U21 árs landsliðinu sem tryggði sér sæti á EM á dögunum.

„Brynjólfur var í stóru hlutverki í Blikaliðinu á síðasta tímabili. Hans hugur stefnir erlendis og nú er það okkar verkefni og hans að búa þannig um hnútana að hann sé tilbúinn til að taka næsta skref," sagði Óskar Hrafn Þorvaldsson, þjálfari Breiðabliks, Brynjólf.