Synir Diogo Jota heitins, Dinis og Duarte, munu ganga inn á Anfield með lukkukrökkunum þegar Liverpool og Wolves eigast við í ensku úrvalsdeildinni á laugardag.
Jota lést í hræðilegu bílslysi í byrjun júlí aðeins skömmu eftir að hafa gengið í það heilaga með Rute Cardoso.
Hann og bróðir hans voru í bílnum og voru báðir úrskurðaðir látnir þegar lögregla og sjúkraliðar mættu á vettvang.
Mikil sorg fylgdi í kjölfarið og tala leikmenn Liverpool enn um það hversu erfitt þetta hefur verið fyrir þá á tímabilinu. Hugsa þeir mikið til fjölskyldunnar sem misstu tvo nána ástvini.
Liverpool hefur heiðrað minningu Jota með ýmsum hætti á tímabili og heldur það áfram á laugardag er tvö fyrrum félög Jota mætast á Anfield.
Jota var frábær með Wolves frá 2018 til 2020 áður en hann gekk í raðir Liverpool, en synir Jota verða heiðursgestir ásamt móður þeirra á leiknum og munu ganga inn á völlinn ásamt lukkukrökkunum.
Stuðningsmenn Liverpool hafa gert það að sið að bjóða upp á dynjandi lófaklapp á 20. mínútu í leikjum liðsins á tímabilinu til minningar um Jota, en hann klæddist treyju númer 20 hjá félaginu.
Diogo Jota’s sons (Dinis and Duarte) will accompany the match-day mascots when his former clubs Liverpool and Wolves play on Saturday.
— Anfield Edition | æ (@AnfieldEdition) December 25, 2025
?????? pic.twitter.com/G0Ob2Gzg8I
Athugasemdir
