Lewis-Skelly var rekinn af velli gegn Wolves
PGMOL, dómarasamband Englands, segir Michael Oliver hafa tekið rétta ákvörðun þegar hann rak Myles Lewis-Skelly af velli í 1-0 sigri Arsenal á Wolves í gær.
HInn 18 ára Leiws-Skelly var rekinn af velli í fyrri hálfleik fyrir að tækla aftan í Matt Doherty sem var að keyra af stað í skyndisókn.
Oliver dró upp rauða spjaldið og staðfesti VAR litinn á spjaldinu í kjölfarið.
Margir spekingar furðuðu sig á ákvörðun Oliver enda töldu þeir að gult spjald væri meira en nóg fyrir tæklingu af þessari gráðu.
Mikel Arteta, stjóri Arsenal, sagðist brjálaður eftir leikinn en vildi þó ekki fara í smáatriðin í þessu atviki þar sem það hefði ekki ekkert upp á sig.
Enska dómarasambandið hefur nú sent frá sér svar til enskra fjölmiðla og þar kemur fram að rauða spjaldið var rétt niðurstaða. Lewis-Skelly hafi farið allt of seint og hátt í tæklinguna á Doherty og að upptökur sanni mál þeirra.
Lewis-Skelly er kominn í þriggja leikja bann. Hann mun missa af leik Arsenal gegn Manchester City og Leicester í deildinni auk þess sem hann má ekki spila gegn Newcastle í seinni undanúrslitaleiknum í deildabikarnum.
Arsenal ætlar að áfrýja rauða spjaldinu en niðurstaða í því máli mun væntanlega liggja fyrir eftir helgi.
Athugasemdir
