Hallur Hansson.
Færeyski landsliðsfyrirliðinn Hallur Hansson skoraði eina mark leiksins þegar KR vann 1-0 útisigur gegn Njarðvík úr 2. deild í 16-liða úrslitum Mjólkurbikarsins í gær.
Hallur hefði hinsvegar átt að vera búinn að fá rautt spjald fyrr í leiknum en slapp með gult spjald. Hann sparkaði aftan í Einar Orra Einarsson á 77. mínútu áður en hann skoraði svo sigurmarkið, með glæsilegu skoti, á 84. mínútu.
Hallur hefði hinsvegar átt að vera búinn að fá rautt spjald fyrr í leiknum en slapp með gult spjald. Hann sparkaði aftan í Einar Orra Einarsson á 77. mínútu áður en hann skoraði svo sigurmarkið, með glæsilegu skoti, á 84. mínútu.
„Þetta er rautt spjald og ekkert annað, þetta er skandall. Ef hann sér hvað fer fram þá á hann að dæma rautt spjald og ekkert annað. Þetta eru stór mistök hjá dómurunum. Hann sér að eitthvað er í gangi en sér það ekki nákvæmlega því annars hefði þetta verið beint rautt spjald," sagði Magnús Gylfason sem lýsti leiknum á RÚV 2.
Hægt er að sjá atvikið á 01:48:25 með því að smella hér en sigurmarkið glæsilega er á 01:54:55.
Pétur Guðmundsson dæmdi leikinn en aðstoðardómarinn Guðmundur Ingi Bjarnason var í góðri stöðu til að sjá atvikið þegar Hallur slapp frá rauðu spjaldi.
Pétur dómari fékk 4 í einkunn í skýrslu leiksins hér á Fótbolta.net.
„Það að hafa ekki sent Hall Hansson í sturtu fyrir klárt ásetningsbrot sem reyndist síðar vera hetja KR í leiknum dregur Pétur niður fyrir rauðu línuna í kvöld. Mistök þarna sem höfðu síðar áhrif á úrslit leiksins," skrifaði Stefán Marteinn Ólafsson.
Pétur Guðmundsson dæmdi leikinn.
Athugasemdir
