Leikurinn kemur of snemma fyrir Naby Keita og þá er Joel Matip enn fjarverandi. Jordan Henderson fékk högg á hnéð en ætti að geta verið með á morgun.

„Þið þurfið ekki að spyrja út í Diogo eða Luis á næstunni," sagði Klopp við fréttamenn.

Hann var einnig spurður út í Darwin Nunez sem hefur verið á skotskónum að undanförnu.

„Darwin kom hingað eftir stutt sumarfrí, kom beint til Asíu, talaði ekki ensku, var í nýju liði og með þennan verðmiða á sér. Allir ákváðu að dæma hann strax. Hann byrjaði vel en fékk svo rautt spjald og það var högg fyrir sjálfstaustið. Hann hefur svo átt frábæran mánuð," sagði Klopp.