José Luis Mendilibar.
Olympiakos getur orðið fyrsta gríska félagið til að vinna Evrópubikar þegar liðið mætir Fiorentina í úrslitaleik Sambandsdeildarinnar í Aþenu í kvöld.
Spánverjinn José Luis Mendilibar er stjóri Olympiakos en liðið komst í úrslitaleikinn með því að vinna Aston Villa samtals 6-2 í undanúrslitum. Liðið mætir Fiorentina sem hyggst bæta upp fyrir að hafa tapað gegn West Ham í úrslitaleik keppninnar í fyrra.
Spánverjinn José Luis Mendilibar er stjóri Olympiakos en liðið komst í úrslitaleikinn með því að vinna Aston Villa samtals 6-2 í undanúrslitum. Liðið mætir Fiorentina sem hyggst bæta upp fyrir að hafa tapað gegn West Ham í úrslitaleik keppninnar í fyrra.
„Það yrði stórkostlegt að skrifa sögu Olympiakos og gríska fótboltans," segir Mendilibar sem vann Evrópudeildina með Sevilla á síðasta tímabili og tók við Olympiakos í febrúar.
Gríska liðið hafði þá fallið út úr Evrópudeildinni í riðlakeppninni og inn í Sambandsdeildina.
„Á leiðinni höfum við ferðast í gegnum alla Evrópu og spilað gegn fjölda andstæðinga. Það hafa verið svo margar ólíkar stundir. Það má kalla þetta maraþon og nú höfum við náð að endalínunni."
Athugasemdir
