Heimta að De Rossi verði ráðinn aftur sex vikum eftir að hann var rekinn

„Ég er ekki að hugsa um um að ég verði rekinn, ég vinn mitt starf og það sem gerist það gerist. Þú útilokar ekki Roma. Við þurfum að ná inn eins mörgum úrslitum og mögulegt er," segir Juric.

Margir stuðningsmenn Roma urðu bálreiðir þegar Daniele De Rossi var rekinn í september. Króatinn Juric var ráðinn og byrjaði vel en svo fór fljótt að halla undan fæti. Roma er í tólfta sæti ítölsku A-deildarinnar.

Ítalskir fjölmiðlar segja að það séu ekki bara stuðningsmenn sem vilji fá De Rossi aftur heldur hafi leikmannahópurinn verið ósáttur við þá ákvörðun að láta hann fara. Kallað er eftir því að De Rossi verði ráðinn aftur, aðeins sex vikum eftir að hann var rekinn.