Pep Guardiola, stjóri Manchester City, vildi ekki fara fram úr sér í viðtali eftir 2-1 sigurinn á Arsenal í dag, en hann segir liðið eiga svakalega erfiða dagskrá eftir. Hann viðurkenndi þó að þetta hafi gefið liðinu svakalega orku fyrir lokasprettinn.
Man City er aðeins þremur stigum frá toppnum eftir sigurinn á Arsenal og getur með sigri á miðvikudag tekið toppsætið af lærisveinum Mikel Arteta.
Guardiola hrósaði Arsenal fyrir frammistöðuna og sagði liðið það besta á Englandi.
„Já, við höldum áfram í vonina, en sannleikurinn er sá að við höfum átt hræðilega dagskrá og erum ekki á toppnum. Arsenal er besta lið deildarinnar til þessa, en nú eigum við áfram séns á að berjast fram að síðasta leik.“
Hann nefndi þá hvað honum fannst standa upp úr í leiknum og var svarið fremur einfalt.
„Að við höfum unnið gegn þessu liði. Það er ótrúleg barátta í þeim, en við fengum smá meðbyr og svo fengu þeir hann, en við tókum stigin þrjú.“
Er Man City með betri skriðþunga en Arsenal?
„Ég veit það ekki. Mér fannst Arsenal ekki vera á slæmum skriðþunga. Við vorum betri í enska deildabikarnum en þeir voru ótrúlega góðir í dag. Þeir komu hungraðir hingað eftir það tap en samt náðum við að vinna. Við vitum að þeir eru miklir keppnismenn, en það erum við líka.“
„Taflan lýgur ekki. Þeir hafa verið bestir, en ég vil bara óska mínum strákum til hamingju. Ekki samt tapa einbeitingunni því á miðvikudag spilum við leikinn sem við eigum inni og getum komist á toppinn með sigri. Það er það sem við verðum að gera, en það verður erfitt miðað við leikina sem við eigum eftir. Til dæmis Bournemouth úti, sama lið og vann á Emirates í síðustu viku og síðan Newcastle líka. Þetta verður svakalega erfitt,“ sagði Guardiola.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 37 | 25 | 7 | 5 | 69 | 26 | +43 | 82 |
| 2 | Man City | 37 | 23 | 9 | 5 | 76 | 33 | +43 | 78 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 37 | 13 | 17 | 7 | 57 | 53 | +4 | 56 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Chelsea | 37 | 14 | 10 | 13 | 57 | 50 | +7 | 52 |
| 9 | Brentford | 37 | 14 | 10 | 13 | 54 | 51 | +3 | 52 |
| 10 | Sunderland | 37 | 13 | 12 | 12 | 40 | 47 | -7 | 51 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 37 | 9 | 11 | 17 | 47 | 57 | -10 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 37 | 4 | 9 | 24 | 37 | 74 | -37 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
