Kanadíski sóknarmaðurinn Jonathan David og franski miðjumaðurinn Khephren Thuram sáu um að halda Juventus áfram á sigurbraut í 2-0 sigri á Bologna. David skoraði á annarri mínútu leiksins en Thuram gerði mark sitt snemma í síðari hálfleiknum.

Juventus er í 4. sæti deildarinnar með 63 stig en Bologna í 8. sæti með 48 stig.

MIkael Egill Ellertsson var í leikbanni þegar Genoa vann botnlið Pisa, 2-1. Genoa er í 13. sæti með 39 stig og svo gott sem búið að tryggja áframhaldandi veru í deildinni.

AC Milan vann ósannfærandi 1-0 sigur á Hellas Verona. Adrien Rabiot hótaði marki snemma leiks og tókst síðan ætlunarverk sitt á 41. mínútu með góðu skoti eftir sendingu frá Rafael Leao.

Verona fékk fjölmörg tækifæri til að jafna en tókst ekki. Milan kom boltanum í netið í síðari hálfleiknum er Matteo Gabbia stangaði boltanum í netið en markið var tekið af vegna rangstöðu.

Milan hafði tapað tveimur leikjum í röð og var því kærkomið fyrir liðið að komast aftur á sigurbraut fyrir lokasprettinn í baráttu um Meistaradeildarsæti. Milan er í öðru sæti með 66 stig.

Úrslit og markaskorarar:

Pisa 1 - 2 Genoa
1-0 Simone Canestrelli ('19 )
1-1 Jeff Ekhator ('41 )
1-2 Lorenzo Colombo ('55 , víti)

Verona 0 - 1 Milan
0-1 Adrien Rabiot ('41 )

Juventus 2 - 0 Bologna
1-0 Jonathan David ('2 )
2-0 Kephren Thuram ('57 )

Smelltu hér til að kaupa áskrift að Livey