Fótbolti.net

Gylfi um skilaréttsmálið: Meira en ánægður að hafa skipt

Aron Einar: Get staðfest að ég verð ekki áfram í Al-Gharafa

Sædís Rún: Á okkar degi getum við náð stigum af öllum liðum

Gagnrýnir nýju reglurnar harðlega - „Alveg skelfilegt ef ég á að vera hreinskilin“

Katla Tryggva fyrir Spánarleikinn: Það er alveg hægt að stríða þeim

Hödda langaði að fagna eins og Auðun gegn Haukum - „Allir á bekknum brjálaðir að hann hefði skotið"

Breki Þór: Gott í bankann

Elfar Árni: Það þýðir ekkert að fara að vorkenna sér

Badu: Við sýndum í dag að við erum með góðan hóp

Gunnar Már: Við munum ekki geta hvílt leikmenn

Viðar Örn: Ég hlakka mikið til að spila með honum í næstu leikjum

Óli Flóvents: Þetta mál er að baki

Venni: Þurfum að höndla það betur en síðast

Heimir Guðjóns: Þurfum að finna lausnir

Siggi Lár: Gaman að vera í Laugardalnum

Horfðu á Besta spjallið - Staða mála skoðuð í landsleikjahlénu

Pablo Punyed sáttur: Vona að ég sjálfur geti spilað minna og minna í sumar

Gaui Lýðs um uppganginn á Ásvöllum: Setjum stefnuna á að komast í efstu deild

Nemanja Pjevic: Þegar maður bíður eftir strætó koma þeir allt í einu þrír í einu

Hrafn Guðmunds: Ég þarf að halda þessu áfram

fim 31. október 2019 14:19

Magnús Már Einarsson

Halldór Orri: Aðallega að hugsa um spiltímann

Halldór Orri er mættur í Stjörnuna á nýjan leik. Hér skorar hann glæsilegt mark í leik gegn Val árið 2015.

Mynd: Fótbolti.net - Hafliði Breiðfjörð

Halldór Orri fagnar marki í leik með FH.

Mynd: Fótbolti.net - Hafliði Breiðfjörð

„Þetta er frábært. Það er mikil gleði og tilhlökkun framundan. Ég er uppalinn í klúbbnum og það er mjög skemmtilegt að vera kominn aftur heim," sagði Halldór Orri Björnsson við Fótbolta.net í dag.

Hinn 32 ára gamli Halldór Orri gekk í gær til liðs við uppeldisfélag sitt Stjörnuna á nýjan leik eftir þrjú ár í herbúðum FH.

Halldór Orri skoraði þrjú mörk í átján leikjum í Pepsi Max-deildinni síðastliðið sumar en hann var einungis sjö sinnum í byrjunarliði og ákvað því að róa á önnur mið.

„Ég var aðallega að hugsa um spiltímann. Ég var ekki að spila eins mikið og ég fannst ég eiga skilið. Ég taldi mig eiga meiri möguleika á að vinna mér inn byrjunarliðssæti á öðrum vígstöðum. Það var aðalástæðan."

Halldór Orri tilkynnti á dögunum að hann ætlaði að fara frá FH og í kjölfarið sýndu nokkur lið honum áhuga.

„Það voru einhver önnur lið sem höfðu samband en um leið og Stjarnan hafði samband þá lagði ég allt annað til hliðar. Það er léttir að vera kominn heim," sagði Halldór Orri.

Stjarnan endaði í 4. sæti í Pepsi Max-deildinni í sumar og verður ekki í Evrópukeppni í sumar líkt og undanfarin ár.

„Það tók sinn toll að ná ekki þessu Evrópusæti. Núna er markmiðið að ná flugi aftur í Garðabænum og ná allavega að tryggja Evrópusæti. Það er gríðarlega mikilvægt fyrir þessi félög og það er lágmarkskrafa í Garðabænum," sagði Halldór Orri en hann er bjartsýnn á næsta sumar.

„Það er frábær hópur þarna. Við vorum með menn eins og Gaua (Guðjón Baldvinsson) í meiðslum allt síðasta tímabil. Gaui er hörkuleikmaður og það munar um það. Ég er gríðarlega bjartsýnn fyrir komandi tímabilum í Garðabænum," sagði Halldór Orri.

Hér að ofan má sjá viðtalið í heild sinni en þar ræðir Halldór Orri meðal annars tímann hjá FH, hvernig það hefur verið að mæta Stjörnunni undanfarin ár og framhaldið í Garðabænum.