Japanski leikmaðurinn Takumi Minamino verður ekki orðinn löglegur með enska úrvalsdeildarfélaginu Liverpool fyrir leikinn gegn Sheffield United á morgun.
Minamino samdi við Liverpool á dögunum eftir að hafa heillað með austurríska liðinu RB Salzburg en hann var keyptur fyrir 7,25 milljónir punda.
Hann gengur formlega til liðs við Liverpool á morgun en má þó ekki spila gegn Sheffield United á Anfield sem er einmitt sama dag.
Samkvæmt reglum ensku úrvalsdeildarinnar þá verður hann ekki löglegur í þessari umferð og getur því ekki spilað fyrsta leik sinn fyrir félagið fyrr en gegn Everton í FA-bikarnum á sunnudag.
Athugasemdir