BÍ/Bolungarvík fagnar marki á undirbúningstímabilinu.
Þórður Ingason er markvörður liðsins.
Guðjón Þórðarson gefur bendingar.
Matthías Kroknes Jóhannsson.
Fótbolti.net kynnir liðin sem leika í 1. deild í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin því stig frá 1-11 eftir því en ekki var hægt að spá fyrir sínu eigin liði.
Spáin:
1. ?
2. ?
3. ?
4. ?
5. ?
6. ?
7. ?
8. BÍ/Bolungarvík 105 stig
9. KA 103 stig
10. HK 63 stig
11. Þróttur 60 stig
12. Grótta 42 stig
8. BÍ/Bolungarvík
Heimasíða: bibol.is
Lokastaða í fyrra: 2. sæti í 2. deild
BÍ/Bolungarvík, eða Skástrikið eins og liðið er kallað, hefur heldur betur blásið til sóknar og veskið hefur verið opnað upp á gátt fyrir vestan. Liðið kom á óvart í 2. deild þegar það náði að komast upp undir stjórn Alfreðs Elíasar Jóhannssonar. Honum var svo sópað til hliðar og Guðjón Þórðarson fenginn til að stýra skútunni í 1. deild. Miklar mannabreytingar hafa orðið á liðinu sem er nánast gjörbreytt frá því liði sem komst upp í fyrra.
Það verður rosalega gaman að fylgjast með endurkomu Guðjóns Þórðarsonar í íslenska knattspyrnu. Ég á ættir mínar að rekja til Ísafjarðar og vona að þeim gangi vel í sumar. Það blunda þó í mér vissar áhyggjur yfir öllum þessum breytingum og hvernig knattspyrnan þarna mun þróast.
Styrkleikar: Heimavöllurinn hjá Skástrikinu er klárlega styrkleiki. Guðjón Þórðarson er það líka og það skipulag sem hann tekur alltaf með sér inn í leik þeirra liða sem hann hefur þjálfað. Þórður Ingason markvörður verður að eiga gott tímabil í sumar ef liðið ætlar að standa sig vel. Miðjumaðurinn Gunnar Már Elíasson er mjög góður leikmaður, líkamlega sterkur.
Veikleikar: Alltof mikið af nýjum mönnum. Það tekur tíma fyrir lið að spila sig saman og ég tel að það verði veikleiki hjá þeim í sumar. Það eru of margir leikmenn á stuttum tíma. Þetta getur gengið upp og þá verða allir rosalega glaðir en ef þetta gengur ekki upp getur allt orðið vitlaust.
Lykilmenn: Þórður Ingason, Loic Mbang Ondo og Gunnar Már Elíasson.
Gaman að fylgjast með: Matthías Kroknes Jóhannsson, ungur strákur sem er fæddur 1994, hann er mjög efnilegur og vert að fylgjast með í sumar.
Líklegt byrjunarlið í upphafi móts:
Þjálfarinn
Það kom mörgum á óvart þegar BÍ/Bolungarvík tilkynnti að Guðjón Þórðarson væri nýr þjálfari liðsins. Guðjón hefur náð lengst allra íslenskra þjálfara. Hér á landi hefur hann þjálfað KA, ÍA og KR. Á Englandi hefur hann stýrt Stoke City, Barnsley, Notts County og Crewe. Auk þess þjálfaði hann norska liðið Start að ógleymdu íslenska landsliðinu þar sem hann náði eftirtektarverðum árangri.
Komnir:
Alexander Veigar Þórarinsson frá Fram
Atli Guðjónsson frá ÍR
Colin Marshall frá Spáni
Loic Ondo frá Grindavík á láni
Sölvi Gylfason frá Skallagrími
Þórður Ingason frá Fjölni
Zoran Stamenic frá Noregi
Farnir:
Alfreð Elías Jóhannsson í Ægi
Andri Sigurjónsson í Stjörnuna (Var á láni)
Dalibor Nedic til Bosníu/Herzegóvínu
Emil Pálsson í FH
Gunnlaugur Jónasson hættur
Milan Krivokapic
Pétur Geir Svavarsson hættur
Róbert Örn Óskarsson í Víking R.
Tómas Emil Guðmundsson í Gróttu
Fyrstu leikir BÍ/Bolungarvíkur 2011:
14. maí: BÍ/Bolungarvík - ÍR
21. maí: Haukar - BÍ/Bolungarvík
28. maí: BÍ/Bolungarvík - Fjölnir
