Serbinn Momir Mileta sem að lék með ÍBV árið 2000 verður til reynslu hjá Grindavík næstu tíu dagana. Mileta sem að verður 33 ára í ágúst lék sautján leiki með ÍBV í Landssímadeildinni eins og hún hét þá og skoraði þrjú mörk. Mileta sem að er örfættur er þekktur fyrir sín þrumuskot en hann skoraði eitt besta mark sumarsins 2000 með þrumuskoti gegn Fylki í Árbænum.
Grindavík hefur einnig fengið Alfreð Elías Jóhannsson til baka frá Njarðvík þar sem að hann var í láni. Sóknarmaðurinn Alfreð hefur skorað tvö mörk í sjö leikjum í fyrstu deildinni með Njarðvík í sumar.
Athugasemdir