,,Þetta er meira en bara þrjú stig, við eigum Breiðholtið, það er ekki hægt að segja annað," sagði Halldór Arnarsson miðvörður ÍR eftir 2-1 sigur á Leikni í Breiðholtsslag í 1. deild karla í kvöld en þar með fór liðið uppfyrir Leikni og í toppsæti deildarinnar. ÍR komst snemma leiks í 2-0 en Leiknir minnkaði muninn í lokin.
,,Það skiptir eiginlega engu máli á hvaða mínútu maður skorar mörkin ef maður skorar fleiri mörk en andstæðingurinn. En það er fínt að koma sterkir til leiks, ég neita því ekki."
,,Við fáum á okkur skítamark í lokin sem var algjör óþarfi. Þeir fengu alveg sénsa til að minnka þetta fyrr en fyrst við vorum búnir að halda þessu í 88 mínútur fannst mér að við ættum að klára það."
ÍR er þar með komið í toppsæti deildarinnar eftir sjö umferðir. En hvernig er stemmningin í Breiðholtinu?
,,Hún er yndisleg, sérstaklega yndisleg því þið sérfræðingarnir ákváðuð að spá okkur falli fyrir mótið, sem kveikti bara í okkur. Ég vil nota tækfærið og þakka fyrirliðum og þjálfurum 1. deildar fyrir að spá okkur falli. Það var það sem kveikti í okkur í lokaundirbúningnum."
Halldór sneri sjálfur heim frá Danmörku fyrir mótið. Hann er ánægður með að vera kominn heim.
,,Það er yndislegt, best að vera á Íslandi. Ég vissi ekki hverju ég átti að búast við því ég hef ekki spilað í 1. deildinni áður. En hún er sterk og óvenju jöfn. Þessi lið sem áttu að vera í toppbaráttunni eru í basli. Þetta er kannski ár litlu liðanna, ég veit það ekki."
,,Ef við spilum eins og menn þá erum við greinilega búnir að sýna að við eigum heima í toppbaráttu. En við getum alveg lent í að spila lélega leiki, eins og við sýndum í síðustu viku þegar við spiluðum eins og hálfvitar á móti Fjölni."
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
