Hópur U21: Tveir Framarar koma inn - Þrír bara með í seinni leiknum

Ólafur Ingi Skúlason, landsliðsþjálfari U21 karla, hefur valið hóp fyrir tvo leiki í undankeppni EM 2027. Ísland mætir Sviss á Swisspoarena í Luzern föstudaginn 10. október og Lúxemborg á Þróttarvelli þriðjudaginn 14. október. Þrír leikmenn koma inn í hópinn eftir leikinn í Sviss.

Frá síðasta verkefni eru nokkrar breytingar: Galdur Guðmundsson verður ekki með í lekjunum vegna meiðsla og Guðmundur Baldvin Nökkvason er ekki með. Inn koma þeir Haukur Andri Haraldsson og Framararnir Freyr Sigurðsson og Þorri Stefán Þorbjörnsson.

Júlíus Mar Júlíusson tekur út leikbann í leiknum gegn Sviss og kemur svo inn í hópinn fyrir leikinn gegn Lúxemborg ásamt þeim Arnari Daða Jóhannessyni og Ómari Birni Stefánssyni.

U21 landsliðið er einungis með eitt stig eftir leiki gegn Færeyjum og Eistlandi í undankeppninni. Ólafur Ingi Skúlason hefur verið orðaður við önnur þjálfarastörf, þar á meðal Val og FH.