„Nei, það kemur mér ekkert þannig á óvart," sagði Atli Barkarson við Fótbolta.net í dag. Atli var í A-landsliðinu bæði í janúar og mars en er kominn aftur í íslenska U21 árs landsliðið. Liðið undirbýr sig fyrir þrjá leiki í undankeppni EM og er fyrsti leikurinn í verkefninu gegn Liechtenstein á morgun. Atli er leikmaður SönderjyskE í Danmörku.
„Ég var ekki að spila mikið núna seinni hlutann og fótbolti er bara svona. Það kom mér þannig séð á óvart þegar ég var síðast [í mars] í A-landsliðinu. Það var alveg skemmtilegt en U21 er líka bara fínt, gaman að spila leiki, vonandi þrjá leiki og það er bara fínt fyrir mig núna," sagði Atli.
Íslenska liðið á möguleika á því að komast á næsta stig keppninnar en liðið þarf að vinna alla sína leiki og treysta á að Grikkland misstígi sig.
„Ég geri það alveg, auðvitað þarf smá að detta með okkur. Mikilvægast er að fókusa á okkur, klára leikina þrjá og svo sjá til. Eina sem skiptir máli er að við klárum okkar. Það væri súrt ef það væri möguleiki og við klárum ekki okkar leiki."
Íslenska liðið æfir í Víkinni en Atli var leikmaður Víkings í tvö ár áður en hann fór í atvinnumennsku.
Viðtalið í heild sinni má sjá í spilaranum að ofan. Þar ræðir Atli um tímann hjá SönderjyskE.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir