Fótbolti.net

lau 11. apríl 2026 21:42

Brynjar Ingi Erluson

Ítalía: Þriggja mark tap Milan á San Síró - Juventus stal sigrinum í Bergamó

Jeremie Boga hefur reynst Juventus ótrúlega vel síðan hann kom frá Nice

Mynd: EPA

Alexis Saelemaekers brjálaður á meðan Udinese-menn fagna

Mynd: EPA

Titilbaráttulið AC Milan tapaði óvænt fyrir Udinese, 3-0, í Seríu A á Ítalíu í dag. Juventus vann annan leikinn í röð með því að merja 1-0 sigur á Atalanta í Bergamó.

Það er alveg óhætt að segja að Milan hafi endanlega stimplað sig úr titilbaráttunni með frammistöðunni í dag.

Milan lenti undir og má skrá óheppni á það þegar Davide Bartesaghi fékk boltann í sig og í netið.

Milan átti næstu færi og voru nálægt í tvígang að jafna metin áður en Udinese tvöfaldaði forystuna. Jurgen Ekkelenkamp skallaði fyrirgjöf Nicolo Zaniolo í netið.

Mílanó-menn fengu alveg sín færi en nýttu illa og þá átti Maduka Okoye vörslu í heimsklassa í síðari hálfleiknum. Tuttugu mínútum fyrir leikslok gerði Arthur Atta þriðja markið og drap það í þeim litla neista sem var eftir hjá Milan.

Milan er í 3. sæti með 63 stig, níu stigum frá toppliði Inter og nú svo gott sem búið að skrá sig úr titilbaráttunni en Udinese er í 10. sæti með 43 stig.

Juventus lagði Atalanta að velli, 1-0, í Bergamó. Heimamenn voru sterkari aðilinn framan af en það er ekki spurt að því. Mörkin telja og skoraði Jeremie Boga, vængmaður Juventus, eina markið í byrjun síðari hálfleiks.

Fílabeinsstrendingurinn kom til Juventus á láni frá Nice í janúarglugganum og átt risaþátt í góðu gengi liðsins síðustu vikurnar en hann var að gera fjórða mark sitt fyrir félagið.

Juventus er í 4. sæti með 60 stig og komið upp fyrir Como í Meistaradeildarbaráttunni en Atalanta í 7. sæti með 53 stig.

Kristófer Jónsson var í byrjunarliði Triestina sem vann 2-0 sigur á Giana Erminio í A-riðli C-deildar. Triestina er fallið en verið að gera góða hluti undanfarnar vikur og ekki tapað í fjórum leikjum í röð.

Bjarki Steinn Bjarkason var ónotaður varamaður hjá Venezia sem gerði 1-1 jafntefli við Entella í B-deildinni. Venezia er á toppnum með 72 stig og stefnir hraðbyr aftur í A-deildina.

Úrslit og markaskorarar:

Cagliari 1 - 0 Cremonese
1-0 Sebastiano Esposito ('63 )

Torino 2 - 1 Verona
1-0 Giovanni Simeone ('6 )
1-1 Kieron Bowie ('38 )
2-1 Cesare Casadei ('50 )

Milan 0 - 3 Udinese
0-1 Davide Bartesaghi ('27 , sjálfsmark)
0-2 Jurgen Ekkelenkamp ('37 )
0-3 Arthur Atta ('71 )

Atalanta 0 - 1 Juventus
0-1 Jeremie Boga ('48 )

		L	U	J	T	ms:	mf:	mun	Stig
1	Inter	36	27	4	5	85	31	+54	85
2	Napoli	36	21	7	8	54	36	+18	70
3	Juventus	36	19	11	6	59	30	+29	68
4	Roma	36	21	4	11	55	31	+24	67
5	Milan	36	19	10	7	50	32	+18	67
6	Como	36	18	11	7	60	28	+32	65
7	Atalanta	36	15	13	8	50	34	+16	58
8	Bologna	36	15	7	14	45	43	+2	52
9	Lazio	36	13	12	11	39	37	+2	51
10	Udinese	36	14	8	14	45	46	-1	50
11	Sassuolo	36	14	7	15	44	46	-2	49
12	Torino	36	12	8	16	41	59	-18	44
13	Parma	36	10	12	14	27	45	-18	42
14	Genoa	36	10	11	15	40	48	-8	41
15	Fiorentina	36	8	14	14	38	49	-11	38
16	Cagliari	36	9	10	17	36	51	-15	37
17	Lecce	36	8	8	20	24	48	-24	32
18	Cremonese	36	7	10	19	30	53	-23	31
19	Verona	36	3	11	22	24	58	-34	20
20	Pisa	36	2	12	22	25	66	-41	18