Hermann er fyrrum aðstoðarstjóri Southend.
Southend vann 2-1 sigur á Barrow í ensku D-deildinni um helgina en þrátt fyrir það var fall félagsins úr deildinni staðfest.
Southend mun á næsta tímabili leika í efstu utandeildinni á Englandi, National League.
Þetta markar tímamót fyrir Southend þar sem félagið hefur verið í 101 ár í deildarkeppni, það sem kallað er deildarkeppni (e. Football League) á Englandi. Það eru núnar fjórar efstu deildirnar á Englandi.
Southend hefur verið í fjárhagsvandræðum á síðustu árum og félagið ekki verið rekið vel.
Hermann Hreiðarsson hefur tvívegis verið aðstoðarmaður Sol Campbell í ensku neðri deildunum, fyrst hjá Macclesfield og svo hjá Southend. Í fyrra létu þeir af störfum hjá Southend. Það var ströggl hjá félaginu fjárhagslega og launagreiðslur ekki alltaf að skila sér til leikmanna.
Hermann er núna þjálfari Þróttar Vogum í 2. deild karla.
Athugasemdir
